Un tweejn dag in Dreanthe he’w bestead in de buurte van Dwingeloo. Dwingeloo is natuurlijk het allerearste bekèènd van ziene heide. Ie hebt doar genne earste heide en tweede heide, mear ie hebt doar onmeunog völle heide! Op’n foto zeej un beheerder van Natuurmonumentn eenzaam oawer de heide fietsen met ziene hooltn (!) fietse.
Op’n tweejn foto zeej de radiotelescoop. Dizzen steet an’n ràànd van de heide.. Vrogger drok gebroekt, mear rechtevoort is het un monument. He wörn àl in 1956 (58 joar geleane) ebouwd en was toen un grötsen radiotelescoop van Dreanthe en van de hele wereld. Zie hebt er ondermeer twee sterrenstels met ontdekt die, hoe logisch, Dwingeloo I en Dwingeloo II bint èneumd. In 1998 isse oet gebroek ènömn, want de techniek vuur astronomie was slim verbetterd en un radiotelescoop was doarduur slim veroolderd. Seends 2009 isse nationaal monument wörn en isse fleenk restaureerd!
Un daarn foto is van de St. Nicolaaskaarke in Dwingeloo. Het apatte van dizze kaarke is datte un toorn hef in de vorm van un siepel. In’n volksmoond het dizzen toorn dan ok ‘n Siepel.
Elken dag nè foto! 
Mooie koarke. Ik kiek aait of d’r nen hagioscoop is, een kleane nis in de mure, woer ze verskilnde verkloaringen vuur hebt
Goodgoan, Gerrit
Wier watte èleerd!
Vriendelijke groeten,
Henk van de Riet