Het geet oeteandelijk gebuurn, de schuurn bie het oolders hoes goat er vanof! Gistern en vandage bi’k drok an het waark èwas um alles leag en schoone te maakn, zodat de asbestkearls der könt gewörn, want un asbest mut as eerste wörn verwijderd. Dat is nog un heel waark, umdat in de ene schure der ok asbest binn an het plafond zit. Het was eind joarn zestig gebroekelijk um de schuurn an de binnkaante of te waarkn met asbest, want dat sleat neet en was brandveilig. Het möt er nò duur maanmannetjes oet worn ehaald, woerbie de hele schuur in een permanente staot van oonderdruk wordt èbrach, zodat er gen asbestvezels noar boetn könt vleengn. Zelfs de spiekergeatjes munt nog wörn oetteboord. En dan te bedeankn da’w vrogger zelf asbest hebt èzaangd en èboord zoonder enige bescherming…
Mear het geet nó weg, en doarnoa könt de schuurn ok veilig wörn èsloopt. Doar kriew wier ruumte van!
Elken dag nè foto! 